سردة حب ! بلشت علاقتنا بالصدفة ...!

بلشت علاقتنا بالصدفة ..كنا رفقات وارائنا بالحب مختلفة ..!
وبفترة قصيرة قلبي هرب مني ..وتخبى جوا قلبك ..
بهداك الوقت حسيت بشي غريب تجاهك ومن وقتا شكلي بلشت حبك ..!

بعد محاولات كتيرة وخوف وشوية توتر ..اتجرأت واعترفتلك ..!

صار عمر علاقتنا سنة الا كم شهر ..بالحقيقة هاد عمري انا من لما صرت معك ..!

وبعد ماتعرفنا على بعض منيح وتعودنا على تقلبات مزاجنا كل فترة وخناقاتنا الروتينية
قررت كمل هالمشوار واخطبك ..!

بعرف أنو من بين مليون علاقة حب مارح يلتقى غير كم علاقة صادقة والباقي تسلاية ولعب بالمشاعر ..بس أنا وعدتك ..!

وعدتك نخلي حبنا نادر ..ننسى مشاكلنا ونرسم طريقنا سوا بلا مانكابر ..!

وعدتك ضل معك لآخر نفس بتنفسو ..رغم المشاكل و كلشي رح نتعرضلو ..!

وعدتك تصيري أم ولادي والحدا يلي رح كمل حياتي معو ..!

خليهن يتسلوا بقلوب بعضهن..وخلينا نكمل قلوب بعض..!

انا جاية جدد حبي لألك وأخطبك ..بتقبلي فيني ؟

لـ علي عمر السودان

وداعاً 2019 بهمومك و انكساراتك ...!

وداعاً 2019 بهمومك وانكساراتك ..بالزعل  والفرح ..بالضعف والقوة 💚

وداعاً 2019 بأيامك الحلوة والمرة ..بكلشي مرق فيكِ 💚

بعد كم دقيقة لنبدا سنة جديدة ..بأيام جديدة وأماني وأحلام جديدة ..💚

بالحقيقة هالبداية لالنا مو بس للسنة ..نحن يلي لازم نبدا بداية جديدة ونعيد ترتيب حياتنا وأولوياتنا ..💚

ان شاء الله يارب نكون الخير لهالسنة وتساعدنا الظروف لنحقق كلشي ببالنا 💚

كل عام وانتو بخير ..💚

علي عمر السودان  💚🌵

سردة حب ! معلش اعتراف صغير ؟

معلش اعتراف صغير ؟

انا بحبك ..
بحبك..لأنك الدوا لروحي يلي كنت عم دوّر عليه من سنين ..

بحبك ..لأنك الحدا القادر بضحكة منو ينسيني همومي ..

بحبك..لأنو من لما شفتك تغيرت حياتي كلها وتغيرت معها اهتماماتي ..
لحتى صرت عايش على وجودك انت ..

بحبك..لأنك الشي الحلو يلي دخل على حياتي وحلّى ايامها ..

يمكن حبي مصلحة ..بس من بعد ما شفت فيك كلشي كنت متمني مالقيت حالي غير حابك..

خلينا نتبادل المصالح انا وانت ..
انت بتقعد مقابيلي وانا بقعد حبك على رواق ..

في احلى من هيك مصلحة ؟

لـ علي عمر السودان